Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

1.12.2016г. Гадзіна праблемных пытанняў "Пачні з сябе - жыві бяспечна"

       У філіяле "Алекшыцкая сельская бібліятэка» прайшла гадзіна праблемных пытанняў "Пачні з сябе - жыві бяспечна», прымеркаваная да Сусветнага дня барацьбы са СНІДам. 
 


Да мерапрыемства была арганізавана кніжная выстава "Пачні з сябе - жыві бяспечна». Таксама быў прагледжаны дакументальны фільм «Што такое ВІЧ і СНІД?». Атрыманыя веды было прапанавана замацаваць  віктарынай «Нашы веды аб ВІЧ/ СНІД».