Каля́ды — народнае зімовае свята дахрысціянскага паходжання. Працягваюцца дванаццаць дзён з 6 студзеня па 19 студзеня — з Каляды да Вадохрышча. На Беларусі хрысціянская абраднасць святкавання Каляд шчыльна пераплецена з народнымі святочнымі звычаямі.
Бібліятэкары філіяла “Малабераставіцкая інтэграваная сельская бібліятэка” сумесна з працаўнікамі філіяла па культурна–дасугавай дзейнасці аг.Малая Бераставіца і Макараўцы арганізавалі абрад калядавання “У госці Каляда прыйшла”. Са сцэны дзяцей віталі пераапранутыя “мядзведзь”, “каза”, “певень” і іншыя героі. Была прадстаўлена тэатралізаваная сцэнка, гучалі калядныя песні, якія ўслаўляюць гаспадара, гаспадыню і іх дзяцей.
![](https://blogger.googleusercontent.com/img/b/R29vZ2xl/AVvXsEiDxbEH4EvEJxBNm3MMFzG5tTxBMV1sZg7QkI93yowSgy982MKLb6TSmeNl6UjjU1LbCTB8Kn3tBr_MRf34f4Zd5wEoMAqx0dq0d-0DMVCsHINh1OjsiGlT-Uhyphenhyphen9SbyJJ5XiFeJ8MsO2oW4/s200/20170111_132920.jpg)