15.01.2019г. Фальклорна-этнаграфічная вечарына “Калядныя святкі”

На фальклорна-этнаграфічную вечарыну “Калядныя святкі” супрацоўнікі Бераставіцкай раённай бібліятэкі запрасілі удзельнікаў аматарскага аб’яднання для пажылых людзей “Паклічу сяброў”.
  Бібліятэкары расказалі прысутным аб славянскім народным святочным комплексе зімовага каляндарнага перыяду, які складаецца з дванаццаці святочных дзён “ад зоркі да вады”, ад з’яўлення першай зоркі напярэдадні Ражства і да Вадохрышча (Хрышчэння Гасподняга ці Богаяўлення), аб самых яркіх беларускіх традыцыях. Жанчыны ўспаміналі сваё дзяцінства, хрысціянскія і народныя традыцыі на сваёй малой радзіме, удзельнічалі ў конкурсах і розыгрышах, якія падрыхтавалі для іх работнікі бібліятэкі.