Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

15.02.2019г. Акцыя “Дарыце кнігі з любоўю”

У межах абласнога праекта “Залатая восень жыцця” у філіяле “Малабераставіцкая інтэграваная сельская бібліятэка” прайшла акцыя “Дарыце кнігі з любоўю”. Яе мэта - папаўненне фонду сучаснай літаратурай для ўсіх аматараў чытання. Перадаць кнігу ў падарунак бібліятэцы - значыць падарыць кнізе другое жыццё і прынесці карысць шматлікім чытачам на доўгія гады.