Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.09.2019г. Бібліятэчная вандроўка “Гаворыць і паказвае бібліятэка”


Напярэдадні свайго прафесійнага свята ў філіяле “Алекшыцкая сельская бібліятэка” прайшла бібліятэчная вандроўка “Гаворыць і паказвае бібліятэка”, на якой бібліятэкар пазнаёміла гасцей з навінкамі бібліятэкі, кніжнымі выставамі, якія прысвечаны юбілейным датам: 75-годдзю вызвалення Беларусі, 75-годдзю ўтварэння Бераставіцкага раёна, 75-годдзю ўтварэння Гродзенскай вобласці. Таксама бібліятэкар звярнула ўвагу і на тэматычную паліцу "Выбары дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання". Расказала, чым сёння жыве бібліятэка, у якім напрамку працуе. Прапанавала актыўна ўдзельнічаць у сумесных мерапрыемствах, паколькі работнікі культуры робяць вялікую справу – працуюць для людзей.