15 лютага споўнілася 33 гады з дня вываду
савецкіх войск з Афганістана. Гэта дата стала днём-сімвалам, днём памяці і
смутку аб усіх загінуўшых воінах-інтэрнацыяналістах. У гэты дзень у
Бераставыіцкай раённай бібліятэцы прайшоў час памяці “Гарачымі дарогамі
Афганістана”, у якім прынялі ўдзел наведвальнікі аматарскага аб’яднання маладых
інвалідаў “Вясёлка дабра”. У якасці ганаровага госця на сустрэчу запрасілі
ўдзельніка баявых дзеянняў у Афганістане Сяргея Гладкага, які быў адным з тых, хто рызыкаваў
сваім жыццём дзеля ўратавання іншых, хто не па чутках ведае пра цяжкі баявы труд,
воінскае сяброўства, узаемадапамогу і гераізм савецкіх воінаў-інтэрнацыяналітаў. С. Гладкі падзяліўся сваімі ўспамінамі пра баявыя будні вайны.У сустрэчы таксама прыняла ўдзел першы сакратар РК ГА “Беларускі рэспубліканскі
саюз моладзі”, якая ад імя моладзі падзякавала ветэрана за подзвіг і прыклад
вернасці воінскаму абавязку, мужнасці і гераізму. У канцы сустрэчы бібліятэкар
пазнаёміла прысутных з выданнямі, прадстаўленымі на кніжнай выставе “Гарачымі
дарогамі Афганістана”.
