Да Сусветнага дня аховы навакольнага асяроддзя, які адзначаецца 5 чэрвеня,
ў Бераставіцкай раённай бібліятэцы імя В.М.Кавалеўскага для школьнікаў прайшло экалагічнае
паведамленне “Нас акружае прыгажосць”. Бібліятэкар пазнаёміла дзяцей з
гісторыяй заснавання гэтага памятнага дня і з тэмай 5 чэрвеня 2022 года – “Толькі
адна Зямля”. Гэты дэвіз прагучаў 50 гадоў назад у Стакгольме, калі была
створана Праграма ААН па навакольнаму асяроддзю. Гэты дзень напамінае нам аб
самым важным і галоўным, аб нашым навакольным асяроддзі – планеце Зямля.
Школьнікі даведаліся аб 17 Мэтах устойлівага развіцця – Мэтах Добрага Жыцця,
якія дапамогуць чалавецтву захаваць прыроду і жыццё ўвогуле на планеце Зямля.
Супрацоўнік бібліятэкі падрыхтавала для дзяцей экалагічную віктарыну, на пытанні
якой яны з задавальненнем адказалі, і якая аказалася для іх вельмі пазнавальнай.
У канцы сустрэчы вучні пазнаёміліся з цікавымі маляўнічымі выданнямі,
прадстаўленымі на кніжнай выставе, аформленай у бібліятэцы да гэтай даты
экалагічнага календара.
