У Бераставіцкай раённай бібліятэцы імя В.М.Кавалеўскага для школьнікаў,
якія наведваюць прышкольны аздараўленчы лагер “Дружба”, бібліятэкары правялі ўрок-абмеркаванне
“Лічбавая бяспека або прывабная краіна Інтэрнэція”. Спачатку ў дзяцей запыталі,
што яны ведаюць аб камп’ютэрах. А затым, падзяліўшыся на каманды, школьнікі здзейснілі
падарожжа па станцыях “Угадай!”, “Што мы ведаем пра Інтэрнэт?”, “Будзь
асцярожны ў Інтэрнэце!”, “Правілы бяспекі ў Інтэрнэце”. Падчас мерапрыемства
дзеці адказвалі на пытанні бібліятэкара, адгадвалі загадкі, разгадвалі рэбусы. На
станцыі “Абагульняючая”, у канцы сустрэчы, дзеці пры дапамозе тэста праверылі
свае веды, засвоеныя на ўроку. Усё
адбывалася ў форме ажыўленай гульні. З цікавасцю дзеці пагарталі кніжкі аб камп’ютэрах.