Для
вучняў 4-х класаў сярэдняй школы ў Бераставіцкай раённай бібліятэцы была
арганізавана пазнавальна-пошукавая гульня Родная мова, цудоўная мова!”,
прымеркаваная да Года гістарычнай памяці і прысвечаная беларускай мове. У час
мерапрыемства рабяты выконвалі заданні конкурса “Ліст з будучага”, умовай якога
было працягнуць радок з верша Уладзіміра Дубоўкі “Родная мова, цудоўная мова!”.
Затым вучні адказвалі на пытанні віктарыны “Эрудыты-мовазнаўцы”, адгадвалі
загадкі пра насельнікаў Белавежскай пушчы, складалі словы. Закончылі турнір,
прысвечаны роднай мове і слову, радкамі з твора “10 запаведзяў” Віктара Шніпа: “Мову
родную беражы. Мовай роднай даражы. Мову родную шануй...”.