У рамках Дня інфармацыі “Абаронцам — слава!” бібліятэкар
Бераставіцкай раённай бібліятэкі імя В. М. Кавалеўскага арганізавала для
ўдзельнікаў клуба маладых інвалідаў “Вясёлка дабра” цікавую
конкурсна-забаўляльную праграму “Аты-баты! Будзь салдатам!” (да Дня Абаронцаў
Айчыны і Узброеных Сіл Рэспублікі Беларусь). Сустрэча пачалася з аповеду пра гісторыю ўзнікнення гэтага свята. Падчас
конкурсу «Ваенная тэхніка» ўдзельнікі мерапрыемства адгадвалі загадкі аб
ваеннай тэхніцы: самалёце, танку, падводнай лодцы, верталёце, ракеце, караблі.
У конкурсе «Прыказкі» маладыя інваліды адгадвалі прыказкі або крылатыя выразы
аб салдатах, аб Радзіме, аб арміі. Віктарына “Ваенныя прафесіі” дапамагла ўспомніць
назвы прафесій у розных родах войскаў. У канцы мерапрыемства было адзначана,
што наш абавязак зберагчы памяць аб подзвігах людзей старэйшага пакалення і
перадаць гэтую памяць дзецям і ўнукам.Усім удзельнікам мерапрыемства была
прадстаўлена кніжная выстава. Мерапрыемства прайшло цікава і весела, пераможцы
конкурсаў былі ўзнагароджаны салодкімі прызамі.