У філіяле “Малабераставіцкая
інтэграваная сельская бібліятэка” на працягу ўсіх летніх канікул дзеці актыўна
прымалі ўдзел у акцыі "Лета з кнігай". Акрамя праграмнай літаратуры,
дзецям, якія наведалі бібліятэку, прапаноўваліся перыядычныя выданні, дасугавая
і пазнавальная літаратура, з якой можна было пазнаёміцца на выставе «Лета з
добрай кнігай». Юныя наведвальнікі бібліятэкі з задавальненнем прымалі ўдзел у
абмеркаванні прачытанага, адказвалі на пытанні літаратурнай віктарыны.
Дзеці маглі летам прыйсці ў бібліятэку не толькі для таго, каб пачытаць
кнігу або паўдзельнічаць у бібліятэчным мерапрыемстве, але і самастойна
пазаймацца сваёй любімай справай ці проста пагуляць.