08.06.2021г. Кніжная выстава, гісторыка-біяграфічны экскурс “Асветніца і заступніца зямлі Беларускай”

З 6 чэрвеня на абанеменце раённай бібліятэкі пачала працаваць выстава “Асветніца і заступніца зямлі белрускай”, прысвечаная да 920-годдзя з дня нараджэння святой Еўфрасінні Полацкай. 
На выставе шырока прадстаўлены шэраг гістарычных і літаратуразнаўчых матэрыялаў: кнігі А.Аляшкевіча “Крыж княжны Прадславы”, У. Арлова “Асветніца з роду Усяслава”, А. Марціновіча “Святая Еўфрасіння”, В. Чаропкі “Імя ў летапісе”, У. Бутрамеева “Вялікія і славутыя людзі беларускай зямлі”, А. Мяснікова “ Сто асоб беларускай гісторыі”, Л. Гарошкі“ Святая Еўфрасіння” і інш. Частка выставы прысвечана адлюстраванню вобраза Е. Полацкай у мастацкай літаратуры: раман В. Коўтун “Пакліканыя”, аповесць В. Іпатавай “Прадслава”, вершы Л. Геніюш, Н. Гальпяровіча, Л. Дранько – Майсюка, В. Зуёнка, Р. Барадуліна, В. Шніпа . Бібліятэкар правяла гісторыка-біяграфічны экскурс па жыцці і дзейнасці славутай палачанкі, святой патронкі Беларусі.