04.03.2022г. Акцыя-віншаванне “Са святам вясны, мілыя дамы!” да Міжнароднага дня жанчын - 8 сакавіка.

Святочны настрой панаваў у Бераставіцкай раённай бібліятэцы імя В.М.Кавалеўскага напярэдадні Міжнароднага дня жанчын. У рамках акцыі-віншавання “Са святам вясны, мілыя дамы!”, якая традыцыйна праводзіцца ў бібліятэцы да Міжнароднага дня жанчын – 8 сакавіка, бібліятэкары віншавалі сваіх чытачоў - жанчын і дзяўчынак, са Святам вясны, любві і прыгажосці святочнымі паштоўкамі, якія падрыхтавалі самі, і кветкамі. Жадалі ім вясны ў душы, здзяйснення ўсіх мар і моцнага здароўя. Падчас акцыі супрацоўнікі бібліятэкі знаёмілі сваіх наведвальнікаў з самымі цікавымі выданнямі пра знакамітых жанчын Беларусі і ўсяго свету, зборнікамі паэзіі і прозы, прадстаўленымі на кніжнай выставе “Жанчыне прысвячаецца”.

Да віншавальнай акцыі далучылася  і бібліятэкар перасоўнай бібліятэкі. Яна віншавала сваіх жанчын з надыходзячым святам – Міжнародным жаночым днем – 8 сакавіка, і жадала ім цудоўнага, бадзёрага настрою, моцнага здароўя, цяпла і любві ад сваіх блізкіх людзей, а таксама ўручыла кожнай з іх святочныя паштоўкі, падрыхтаваныя раённай бібліятэкай.