У філіяле “Кватарская інтэграваная сельская бібліятэка” прайшоў турнір знатакоў прыроды “Неабходна ведаць, любіць, берагчы”. У пачатку мерапрыемства яго ўдзельнікі расказалі пра тое, як любяць і берагуць прыроду, якія кнігі чытаюць на тэму экалогіі і наколькі глыбока цікавяцца разнастайнасцю мясцовай флоры і фауны. Юныя прыродазнаўцы спаборнічалі ў кемлівасці, знаходлівасці і ўменні працаваць у камандзе. З вялікай ахвотай дэманстравалі свае веды, адказваючы на пытанні віктарыны аб раслінах і жывёлах , адгадвалі загадкі аб птушках і рыбах. Турнір паказаў, што дзеці шмат ведаюць, любяць прыроду і ставяцца да яе ўважліва і беражліва. Усе ўдзельнікі атрымалі салодкія прызы .
