14 чэрвеня да юбілею беларускага
пісьменніка Аркадзя Куляшова ў філіяле “Малабераставіцкая інтэграваная сельская
бібліятэка" для выхаванцаў летняга лагера “Сонейка” прайшла гадзіна-партрэт
“Край беларускі мне дарагі і блізкі”. Бібліятэкар пазнаёміла ўдзельнікаў
мерапрыемства з біяграфіяй і творчым шляхам Аркадзя Куляшова. Прачыталі
некалькі яго вядомых вершаў і разам іх абмеркавалі. Да слёз кранула
сэрцы ўдзельнікаў мерапрыемства “Балада аб чатырох заложніках” А.Куляшова, якую
вучні прачыталі ўслых. З яе даведаліся пра трагічны лёс сям’і бацькі Міная –
камандзіра партызанскага атрада. Бібліятэкар расказала дзецям, каму
прысвячалася песня “Алеся” у выкананні беларускага ансамбля “Песняры” на словы
А.Куляшова і музыку І.Лучанка, якую і зараз можна пачуць. Разам праслухалі яе,
зрабілі аналіз гэтага твора. Мерапрыемства атрымалася цікавым, пазнавальным і
карысным.