30.09.2022г. Віктарына “Сябруем з добрымі словамі!” на чарговым пасяджэнні клуба “Люстэрка”.

“Сябруем з добрымі словамі!” – пад такой назвай прайшла віктарына на чарговым пасяджэнні аматарскага аб’яднання “Люстэрка”. Мэтай мерапрыемства было пашырыць веды школьнікаў пра ветлівыя і добрыя словы і навучыць іх прымяняць гэтыя словы ў жыццёвых сітуацыях, выхоўваць узаемапавагу, ветлівасць і культуру паводзін. Дзеці працавалі ў камандах і адказвалі на пытанні віктарыны, шукалі на картках адпаведныя словы і складалі вядомыя ім прыказкі, ўспаміналі правілы этыкета і добрых паводзін. У канцы сустрэчы дзеці замацавалі такое паняцце як “ветлівыя словы” і “добрыя паводзіны”.

30.09.2022г. Пазнавальны час “Захаваем азонавы слой Зямлі!” на чарговым пасяджэнні клуба аматараў прыроды “Экалагічны буквар”.

 На чарговым пасяджэнні аматарскага аб’яднання “Экалагічны буквар” супрацоўнік Бераставіцкай раённай бібліятэкі правяла пазнавальны час “Захаваем азонавы слой Зямлі!”, які быў прысвечаны Міжнароднаму дню аховы азонавага слоя – 16 верасня. Спачатку бібліятэкар расказала дзецям, што такое азонавы слой Зямлі і як важна яго захаваць, затым пазнаёміла іх з гісторыяй заснавання гэтага памятнага дня. Вучні даведаліся многа цікавага пра нашу Зямлю і атмасферу, пра важнасць праблем, звязаных з азонавым слоем.

20.09.2022г. – Прэм’ера кніжна-ілюстрацыйнай выставы “Всемирное наследие ЮНЕСКО: сокровища Беларуси”.

 У Бераставіцкай раённай бібліятэцы імя В.М.Кавалеўскага адбылася прэм’ера кніжна-ілюстрацыйнай выставы “Всемирное наследие ЮНЕСКО: сокровища Беларуси”. На выставе ўвазе чытачоў бібліятэкі былі прадстаўлены выданні, прысвечаныя помнікам сусветнай спадчыны ЮНЕСКА ў Беларусі: Белавежскай пушчы, Мірскаму замку, Палацу Радзівілаў у Нясвіжы, сусветна вядомым геадэзічным збудаванням “Дуга Струвэ”.  Наведвальнікаў бібліятэкі зацікавілі маляўнічыя альбомы з фотаздымкамі архітэктурных помнікаў Беларусі.

23.09.22г. Краязнаўчае падарожжа “Вясёлка над Нёманам”

 У філіале “Вялікаэйсмантаўская сельская бібліатэка”  прайшло кразнаўчае падарожжа аматарскага аб'яднання “Буслік” на тэму “Вясёлка над Нёманам”. Пачалося падарожжа з разгадвання загадкі, потым дзеці слухалі легенду пра Нёман і Лошу, адказвалі на пытанні, гулялі ў “Веру не веру”.

17.09.2022г. Караван гісторый "Седые волосы - награда за честно прожитые годы"

 17 верасня ў філіяле "Старадварэцкая селіьская бібліятэка" сабраліся ўдзельніцы аматарскага аб’яднання “Вяскоўцы”, каб пагутарыць аб жыцці. Шмат  чаго прыйшлося перажыць, шмат цікавага ўбачыць. Жыццё пражыць – не поле перайсці. Жанчыны ўспаміналі, як прыехалі жыць ў Стары Дворац, як пазнаёміліся адна з адной, і з тымі, хто тут нарадзіўся і жыў. Падчас пасяджэння жанчыны вельмі зацікаўлена ўдзельнічалі ў конкусах “Адгадай мелодыю” і “Дакажы прыказкі”.

17.09.2022г. Патрыятычная гадзіна “Беларусь- краіна адзінства”

17 верасня Беларусь святкуе Дзень народнага адзінства. У філіале “Вялікаэйсмантаўская сельская бібліятэка” прайшла патрятычная гадзіна “Беларусь- краіна адзінства”. Бібліятэкар паведаміла вучням аб тым, што адзінства беларускага народа — гэта аснова моцнай і незалежнай дзяржавы, дзякуючы чаму можна пераадолець нягоды. Расказала пра беларускі народ  у перыяд Вялікай Айчыннай вайны, які праявіў сябе як гераічны, нязломны, адзіны і згуртаваны.  Менавіта дзякуючы адзінству працавітых людзей нашу краіну ведаюць у свеце.

16.09.2022г. Патрыятычны час “Разам мы - Беларусь” да Дня народнага адзінства – 17 верасня.

 Напярэдадні Дня народнага адзінства, які адзначаецца ў Беларусі 17 верасня, супрацоўнікі Бераставіцкай раённай бібліятэкі імя В.М.Кавалеўскага правялі для вучняў 9-га класа патрыятычны час “Разам мы – Беларусь”, падчас якога школьнікам расказалі пра падзеі падчас развіцця нацянальна-вызваленчага руху на тэрыторыі Заходняй Беларусі ў канцы 30-х гадоў ХХ стагоддзя і ўключэнне Заходняй Беларусі ў склад БССР. Дзецям напомнілі імёны герояў нацыянальна-вызваленчага і рэвалюцыйнага руху, у ліку якіх Сяргей Восіпавіч Прытыцкі, імя якога прысвоена сярэдняй школе ў Вялікай Бераставіцы. Бібліятэкар пазнаёміла школьнікаў таксама з гісторыяй заснавання свята – Дня народнага адзінства.

16.09.2022г. Прэзентацыя выставы рэтра-кнігі “Выспа кніжных скарбаў” да Дня бібліятэк Беларусі – 15 верасня.

На завяршэнне Тыдня бібліятэкі “Бібліятэка – храм душы і мудрасці” супрацоўнікі Бераставіцкай раённай бібліятэкі запрасілі вучняў старшых класаў на бліц-круіз па выставах раённай бібліятэкі. Падчас вандроўкі адбылася прэзентацыя выставы рэтра-кнігі “Выспа кніжных скарбаў”. Бібліятэкар пазнаёміла школьнікаў з выданнямі, якія захаваліся ў кніжным фондзе з часу заснавання Бераставіцкай раённай бібліятэкі. Гэта творы рускіх і беларускіх пісьменнікаў, кнігі па мастацву, якія былі выданы ў 40-50-х гадах ХХ стагоддзя. Асабліва зацікавіла вучняў кніга пра рускага пісьменніка Салтыкова Шчадрына: “Н.Л.Мещеряков. М.Е. Салтыков-Щедрин. Критико-биографический очерк”, выданая ў 1939 годзе дзяржаўным выдавецтвам “Мастацкая літаратура”  ў Маскве, і  арыгінальна аформленыя выданні па гісторыі сусветнага мастацтва.  Акрамя гэтага, увагу школьнікаў прыцягнула фотавыстава “З жыцця Бераставіцкай раённай бібліятэкі”, на якой былі змешчаны фотаздымкі, якія адлюстроўваюць працоўныя будні бібліятэкі і яе супрацоўнікаў за перыяд ад 60-х гадоў да сучасных дзён.  

16.09.2022г. Патрыятычная экспедыцыя “Маршрутамі памяці. Маршрутамі адзінства”

Бібліятэкар філіяла “Масалянская інтэграваная сельская бібліятэка” для дзяцей мясцовай школы правяла патрыятычную экспедыцыю “Маршрутамі памяці. Маршрутамі адзінства” (Да Дня народнага адзінства). Спачатку дзеці даведаліся, што кожны год у Беларусі 17 верасня адзначаецца Дзень народнага адзінства. Асноўная ідэя свята складаецца ў тым, каб аб’яднаць людзей у імя развіцця сваёй краіны. Рэспубліка Беларусь захоўвае сваю незалежнасць і суверэнітэт, дзякуючы народнаму адзінству. Затым правялі цікавае віртуальнае падарожжа па гістарычных мясцінах Беларусі, успомнілі самыя старажытныя гарады, замкі, помнікі, нацыянальныя паркі, заказнікі і г. д.

 

15.09.2022г. Літаратурны вернісаж “Бібліятэка – тэрыторыя для ўсіх”

 15 верасня ў філіяле “Масалянская інтэграваная сельская бібліятэка” прайшоў літаратурны вернісаж “Бібліятэка – тэрыторыя для ўсіх” (да Дня бібліятэк). Наведвальнікі даведаліся аб бібліятэчных навінках, пазнаёміліся з кніжнымі выставамі “Хит-парад любимых книг”, ”Очарование забытых книг”. Бібліятэкар спадзяецца, што і далей сюды будуць прыходзіць чытачы, каб пашырыць свой кругагляд, далучыцца да прыгожага свету кніг, навучыцца чамусьці новаму і ўзбагаціцца духоўна.

14.09.2022г. Пазнавальна-забаўляльная праграма “Усміхніцеся! Вы ў бібліятэцы!” да Дня бібліятэк Беларусі – 15 верасня.

 Тыдзень бібліятэкі “Бібліятэка – храм душы і мудрасці”, прысвечаны Дню бібліятэк Беларусі – 15 верасня, распачаўся ў Бераставіцкай раённай бібліятэцы з прэзентацыі кніжна-ілюстрацыйнай выставы “Ёсць храм у кніг - бібліятэка” і правядзення пазнавальна-забаўляльнай праграмы “Усміхніцеся! Вы ў бібліятэцы!” для наведвальнікаў клуба маладых інвалідаў “Вясёлка дабра”. Маладыя людзі павіншавалі бібліятэкараў з надыходзячым святам – Днём бібліятэк Беларусі і пажадалі ім здароўя і творчых поспехаў. Супрацоўнікі бібліятэкі падрыхтавалі для гасцей пазнавальна-забаўляльную праграму, падчас якой усе з задавальненнем уключыліся ў вясёлую забаву, насычаную жартамі, загадкамі, міні-віктарынамі на тэму “Кніга. Бібліятэка. Чытач”. Мерапрыемства прайшло ў цёплай атмасферы і паказала, што бібліятэка –  гэта храм душы, мудрасці і дабра, а бібліятэкары - сапраўды майстры добрага настрою.  

14.09.2022г. Пазнавальная інфарміна “Я люблю Беларусь” да Дня народнага адзінства – 17 верасня 2022 г.

 Напярэдадні Дня народнага адзінства супрацоўнікі Бераставіцкай раённай бібліятэкі імя В.М.Кавалеўскага правялі для наведвальнікаў клуба “Паклічу сяброў” і клуба маладых інвалідаў "Вясёлка дабра" пазнавальную інфарміну “Я люблю Беларусь”. Спачатку бібліятэкар расказала пра гісторыю заснавання Дня народнага адзінства. Затым удзельнікі мерапрыемства актыўна адказвалі на пытанні віктарыны “Усе мы родам з Беларусі”,  адгадвалі загадкі, паказалі свае веды пра Беларусь, яе славутых людзей, родную мову, а таксама пашырылі веды пра дзяржаўныя сімвалы Рэспублікі Беларусь.

14.09.2022г. Літаратурны аўтограф “Суровая праўда аб вайне”

 14 верасня вучні 8 класа ўдзельнічалі ў мерапрыемстве, прысвечаным 95-годдзю з дня нараджэння Алеся Адамовіча, літаратурным аўтографе “Суровая праўда аб вайне”. Звесткі з біяграфіі пісьменніка, яго ваеннае мінулае, кнігі, фільмы па яго кнігах сталі адкрыццем для юных чытачоў.

10.09.2022г. Літаратурны навігатар “Помнікі літаратурным героям у Еўропе”

Бібліятэкар філіяла “Масалянская інтэграваная сельская бібліятэка” правяла для дзяцей літаратурны навігатар “Помнікі літаратурным героям у Еўропе” (да Дня Еўрапейскай спадчыны). Дзецям цікава было даведацца, у якіх гарадах знаходзяцца помнікі іх любімых герояў з твораў і казак. Напрыклад, Асоль з аповесці “Алые паруса”, барон Мюнхгаўзэн, сабачка з апавядання Тургенева “Муму”, прыгоды Гулівера і інш.

 

09.09.2022г. Гадзіна прафарыентацыі “Ёсць такая прафесія – выратавальнік”

Бібліятэкар філіяла ”Масалянская інтэграваная сельская бібліятэка” для дзяцей мясцовай школы правяла гадзіну прафарыентацыі “Ёсць такая прафесія – выратавальнік” (да Дня бяспекі). Дзеці на мерапрыемстве знаёміліся з правіламі супрацьпажарнай бяспекі, выхоўвалі пачуццё асцярожнасці і самазахавання. Пазнавальна і весела прайшла гульня “Мая запаветная мара”. Дзеці засвоілі, што прафесія выратавальніка – гэта праца для людзей мужных, моцных, рашучых, гатовых рызыкаваць уласным жыццём, дапамагаючы людзям у бядзе.

02-09.09.2022г. Літаратурны партрэт "Браму скарбаў сваіх адчыняю"

 З 2 па 9 верасня ў філіяле "Канюхоўская інтэграваная сельская бібліятэка" прайшоў літаратурны партрэт "Браму скарбаў сваіх адчыняю", прысвечаны 95-годдзю з дня нараджэння А. Адамовіча. У гэты час старшакласнікі і дарослыя чытачы бібліятэкі мелі магчымасць пазнаёміцца з біяграфіяй і літаратурнай дзейнасцю пісьменніка. Алесь Адамовіч перажыў партызанскі вопыт падлеткам і ніколі не пазбавіўся ад жаху, які тады пасяліўся ў яго душы. Сваё жыццё і творчасць ён прысвяціў адной мэты - " Ваяваць з вайной!" "Вайну можа спыніць толькі адзін чалавек. І гэты чалавек-ты " гэтыя словы пісьменніка актуальныя і сёння. Нам ёсць што губляць. Гэта чыстае неба над галавой, гэта дзяцінства без страху і гвалту. Дык давайце ж берагчы тое, што ў нас ёсць, а пра вайну будзем памятаць, што б яна ніколі больш не прыходзіла на нашу родную зямлю.

08.09.2022 Час гісторыі “Асветнікі зямлі беларускай”

 8 верасня бібліятэкар філіяла «Пархімаўская інтэграваная сельская бібліятэка» правяла час гісторыі беларускай кнігі “Асветнікі зямлі беларускай”,  прымеркаваны да Дня беларускага пісьменства. Падчас мерапрыемства  дзеці пазнаёміліся з традыцыямі і гісторыяй Дня пісьменства ў Беларусі, Пазнаёміліся с беларускімі пісьменнікамі-юбілярамі, чыталі іх творы.

 

 

07.09.2022г. Пазнавальная гульня-віктарына "У гасцях у дзіцячай кніжкі"

 У філіяле “Малабераставіцкая інтэграваная сельская бібліятэка” для дзяцей пачатковых класаў прайшло пазнавальнае мерапрыемства “У гасцях у дзіцячай кніжкі”. Маленькія чытачы адправіліся ў цікавае падарожжа па казкам, творам, вершам вядомых дзіцячых пісьменнікаў (С. Міхалкова, А. Барто, А. Пушкіна). З задавальненнем адказвалі на пытанні бібліятэкара па літаратурных творах, адгадвалі літаратурныя персанажы, разгадвалі крыжаванкі, складалі сваю казку. Гульня прайшла ў цёплай сяброўскай абстаноўцы.

07.09.2022г. У Бераставіцкай раённай бібліятэцы імя В.М.Кавалеўскага падведзены вынікі конкурсу летняга чытання “Па кніжнаму мору пад ветразем лета!”

У Бераставіцкай раённай бібліятэцы імя В.М.Кавалеўскага падвялі вынікі традыцыйнага конкурсу летняга чытання “Па кніжнаму мору пад ветразем лета!” і адзначылі самых актыўных удзельнікаў. У летні перыяд раённая бібліятэка працавала ў цесным кантакце з прышкольным лагерам "Дружба" і дзіцячым аздараўленчым лагерам “Бераставіцкі”, прымала актыўны ўдзел у дзейнасці інтэрактыўных пляцовак на свежым паветры, праводзіла мерапрыемствы ў бібліятэцы. Самых актыўных юных чытачоў, якія ўдзельнічалі ў бібліятэчных мерапрыемствах і выканалі ўсе ўмовы конкурсу, адзначылі граматамі і падарункамі. 

06.09.2022г. – Літаратурная квэст-гульня “Па старонках беларускіх казак” да Дня беларускага пісьменства – 4 верасня 2022 г.

 Тыдзень беларускага пісьменства “Душа народа – у родным слове” завяршыўся ў Бераставіцкай раённай бібліятэцы правядзеннем для вучняў малодшых класаў літаратурнай квэст-гульні “Па старонках беларускіх казак”. Бібліятэкар спачатку расказала дзецям пра заснаванне свята – Дня беларускага пісьменства, пазнаёміла іх з імёнамі першых беларускіх асветнікааў, такіх як Францыск Скарына, Сымон Будны, Кірыла Тураўскі, Сімяон Полацкі. Школьнікі даведаліся, што ў 2022 годзе День беларускага пісьменства прайшоў 4 верасня ў горадзе Добруш. Супрацоўнік бібліятэкі коратка расказала дзецям аб выдатных мясцінах горада. Мерапрыемства прадоўжыла займальная квэст-гульня. Дзеці ўспомнілі сваіх любімых герояў з беларускіх казак, адгадвалі загадкі і адказвалі на пытанні бібліятэкара, выконвалі розныя заданні, успаміналі беларускія прыказкі і прымаўкі, праявілі добрыя веды і кемлівасць.

03.09.2022г. Прэм’ера кніжна-ілюстрацыйнай выставы “Гаспадыня стала - бульба” падчас брэндавага свята “БульбаМЭБ” у аграгарадку Малая Бераставіца

У аграгарадку Малая Бераставіца адбылося брэндавае свята “Бульба МЭБ”, якое было прымеркавана не толькі да ўшанавання перадавікоў жніва, але і да 70-годдзя заснавання ААТ “Малабераставіцкі элітгас”. Знамянальнай падзеяй у жыцці жыхароў аграгарадка ў гэты дзень стала адкрыццё парку, прысвечанага 70-гадоваму юбілею гаспадаркі. Бераставіцкая раённая бібліятэка імя В.М.Кавалеўскага прадставіла з нагоды гэтай значнай для Малой Бераставіцы падзеі кніжна-ілюстрацыйную выставу “Гаспадыня стала – бульба”. Бібліятэкары прапанавалі жыхарам і гасцям аграгарадка пазнаёміцца з маляўнічымі беларускімі выданнямі пра бульбу, кнігамі па агратэхніцы вырошчвання гэтай агародніны, рэцэптамі страў з бульбы. На выставе былі прадстаўлены выданні раённай бібліятэкі: кніга “ААТ “Малабераставіцкі элітгас”: шляхам перамен і пераўтварэнняў”, прысвечаная 70-годдзю заснавання гаспадаркі, зборнік твораў беларускіх пісьменнікаў “Беларускія пісьменнікі пра бульбу”, буклет “Блюда из картофеля: рецепты на каждый день”, закладкі для кніг з рэцэптамі страў з бульбы, праграма свята “БульбаМЭБ”, а таксама ілюстраваны матэрыял “Вобраз бульбы ў мастацтве Беларусі”. Выстава зацікавіла не толькі жыхароў аграгарадка, але і прыцягнула ўвагу гасцей свята, на фоне якой можна было зрабіць памятнае фота. Адначасова дзеці маглі пагуляць у настолькі футбол і аэрахакей. 

03.09.2022г. Прэм’ера кніжна-ілюстрацыйнай выставы і інфармацыйнае паведамленне “Жыві, роднае слова!”

 Тыдзень беларускага пісьменства “Душа народа – у родным слове”, прысвечаны Дню беларускага пісьменства, распачаўся ў Бераставіцкай раённай бібліятэцы з прэм’еры кніжна-ілюстрацыйнай выставы і інфармацыйнага паведамлення “Жыві, роднае слова!”, на якія бібліятэкары запрасілі вучняў Малабераставіцкай сярэдняй школы. Супрацоўнік бібліятэкі коратка пазнаёміла школьнікаў з гісторыяй беларускага друкаванага слова, а таксама з сучаснымі беларускімі выданнямі мастацкай, гістарычнай літаратуры, кнігамі па выяўленчаму мастацтву, а таксама з гісторыяй горада Добруш Гомельскай вобласці, які сёлета прыняў эстафету Дня беларускага пісьменства ад горада Капыль Мінскай вобласці. Горад Добруш вядомы з 16 стагоддзя. Тут былі заснаваны першыя ў Беларусі папяровая фабрыка (1870) і фарфоравы завод, а знакамітым ураджэнцам Добрушскага краю з'яўляецца класік нацыянальнай літаратуры - пісьменнік, сцэнарыст і драматург Іван Шамякін.  

03.09.2022г. Літаратурны круіз "Пісьменнікі эямлі беларускай"

3 верасня бібліятэкар філіяла «Канюхоўская інтэграваная сельская бібліятэка» запрасіла сваіх юных чытачоў на літаратурны круіз  "Пісьменнікі зямлі беларускай", прымеркаваны да Дня беларускага пісьменства. Падчас мерапрыемства дзеці пазнаёміліся з жыццёвым шляхам Л. Рублеўскай і В. Ліпскага. Адкрылі для сябе кнігі новых сучасных беларускіх пісьменнікаў, якія ім захацелася прачытаць, і стварылі вясёлку пісьменнікаў Беларусі.

 

02.08.2022г. Турнір знаўцаў роднай мовы “Жыве ў вяках беларускае слова”

2 верасня юныя чытачы філіяла  "Старадварэцкая сельская бібліятэка" змагаліся на турніры знаўцаў роднай мовы “Жыве ў вяках беларускае слова”. Дзве каманды адгадвалі загадкі, давалі назвы групе слоў, выпраўлялі памылкі ў тэксце і весела развучвалі скарагаворкі. 

02.09.2022г. Гадзіна інфармацыі "Знаёмства з бібліятэкай"

 2 верасня ў філіяле “Вялікаэйсмантаўская сельская бібліятэка” прайшла гадзіна інфармацыі для выхаванцаў старэйшай групы Вялікаэйсмантаўскага яслі-сада "Знаёмства з бібліятэкай". Дзеці з вялікай цікавасцю разглядалі кнігі і часопісы, гулялі ў шашкі, шахматы, складалі пазлы. Бібліятэкар расказала, як стаць чытачом бібліятэкі, аб правілах карыстання кнігамі.

02.09.2022г. Літаратурны гід “Вітаю цябе, Беларуская кніга!”

Бібліятэкар філіяла “Масалянская інтэграваная сельская бібліятэка” да Дня беларускага пісьменства правяла для дзяцей мясцовай школы літаратурны гід “Вітаю цябе, Беларуская кніга!” Школьнікі пазнаёміліся з лепшымі творамі класікаў і сучасных аўтараў беларускай літаратуры, успомнілі беларускія прыказкі, прымаўкі, загадкі і жарты. Бібліятэкар пазнаёміла дзяцей са славутымі беларускімі першадрукарамі і асветнікамі: Кірылам Тураўскім, Еўфрасінняй Полацкай і інш.

01.09.2022г. Першы ўрок “Гістарычная памяць – дарога ў будучыню” для вучняў 10-га класа ў Вялікабераставіцкай сярэдняй школе

 Супрацоўнік Бераставіцкай раённай бібліятэкі імя В.М.Кавалеўскага Д.З.Лагада правяла для вучняў 10-га класа сярэдняй школы ў Вялікай Бераставіцы першы ўрок “Гістарычная памяць – дарога ў будучыню”, прысвечаны Году гістарычнай памяці. Мэтай ўрока было выхаванне ў школьнікаў павагі да гістарычнага мінулага нашай краіны, фарміраванне ў вучняў аб’ектыўнага ўяўлення  пра ўклад беларускага народа ў вялікую Перамогу, пра гераічную спадчыну, пра генацыд беларускага народа ў гады Вялікай Айчыннай вайны, фарміраванне грамадзянскай пазіцыі школьнікаў, пачуцця прыналежнасці да свайго краю, народа. Аб усім гэтым гаварылася ў выступленні бібліятэкара перад старшакласнікамі.

31.08.2022г. Выстава “Вялікі храм з вялікай гісторыяй” да 280-годдзя з часу аднаўлення ў мурах касцёла Звеставання Панны Марыі ў Вялікай Бераставіцы.

Бераставіцкая раённая бібліятэкі імя В.М.Кавалеўскага адзначыла юбілейную дату ў гісторыі Вялікай Бераставіцы. Споўнілася 280 гадоў з часу аднаўлення ў мурах старажытнага помніка архітэктуры ХVІІ – ХVІІІ ст. касцёла Звеставання Панны Марыі. Бібліятэкары падрыхтавалі кніжна – ілюстрацыйную выставу “Вялікі храм з вялікай гісторыяй”, на якой прадставілі гістарычныя здымкі, партрэты ўладальнікаў Вялікай Бераставіцы, якія садзейнічалі аднаўленню нашага храма ў розныя часы. На выставе былі змешчаны кнігі і альбомы з апісаннем бераставіцкага помніка архітэктуры позняга барока: Т.Габрусь. Мураваныя харалы. (Мн.2001), Архітэктура Беларусі ў 4 тамах. Т.2 ХV -XVIII ст. (Мн. 2006), М.Пацэнка. Храм пад птушынымі крыламі (2007) , А.Втарушын. Сем пёраў страуса для Бераставіцы (2011), а таксама артыкулы з Бераставіцкай газеты.

31.08.2022г. Сустрэча-парада “Як захаваць жыццё і здароўе”

 У філіяле ”Масалянская інтэграваная сельская бібліятэка” прайшло пасяджанне аматарскага аб’яднання “Ладачкі”. На гэты раз ўдзельнікі сабраліся на сустрэчу-параду “Як захаваць жыццё і здароўе”. У ходзе гутаркі былі дадзены рэкамендацыі, як неабходна правільна харчавацца, выконваць рэжым дня і не пераядаць. Бібліятэкар распавяла прысутным пра карысць вітамінаў, улічваючы, што ў зімовую пару і вясной арганізм у іх асабліва мае патрэбу. Шырока абмяркоўвалася тэма захворванняў сардэчна-сасудзістай сістэмы. Госці сустрэчы абмяналіся рэцэптамі народнай медыцыны, падзяліліся парадамі з асабістага вопыту, пазнаёміліся з кніжнай выставай “Быць здаровым модна – быць здаровым можна”.

31.08.2022г. Урок інфармацыйнай культуры “Мазаіка цікавых кніг”

 Бібліятэкар філіяла “Масалянская інтэграваная сельская бібліятэка” для дзетак мясцовага дзіцячага сада правяла ўрок інфармацыйнай культуры “Мазаіка цікавых кніг”. Дзеці ўспомнілі разам з бібліятэкарам знаёмыя казкі, адгадвалі герояў казак, гулялі ў гульню “Я, не я”. Дзеці даведаліся, што ў бібліятэцы ёсць вельмі многа цікавых і прыгожых кніг. І паабяцалі ў хуткім часе наведаць разам з мамамі бібліятэку.

31.08.2022г. Гадзіна інфармацыі "Інтэрнэт і гігіена"

 За апошнія гады інтэрнэт распаўсюдзіўся ў дзясяткі, сотні і нават у тысячы разоў. І паводле апошніх звестак - сёння кожны другі чалавек на планеце знаходзіцца ў інтэрнэце. З такіх слоў 31 жніўня ў філіяле "Вялікаэйсмантаўская сельская бібліятэка" пачалася гадзіна інфармацыі на тэму "Інтэрнэт і гігіена". Бібліятэкар расказала пра магчымыя рызыкі, звязаныя з інтэрнэтам. Што нельга наведваць незнаёмыя сайты, даваць незнаёмцам асабістыя дадзеныя, не даваць паролі. Правялі гульню "Згодзен, не згодзен, не вырашыў". У канцы было зачытана сем правілаў карыстання інтэрнэтам.