30.03.2019г. Акцыя «Час Зямлі»

Бібліятэкар філіяла «Канюхоўская інтэграваная сельская бібліятэка» прыняла ўдзел у прапагандзе міжнароднай акцыі «Час Зямлі». Бібліятэкар наведала мясцовую школу і КСУП «Макараўцы». Кожнаму чытачу, які наведваў бібліятэку давалася памятка з заклікам падтрымаць экалагічную акцыю адключэннем 30 сакавіка святла і бытавых электрапрыбораў з 20.30 да 21.30.

30.03.2019г. Пасяджэнне аматарскага аб’яднання “Пралеска”

Пад назвай “Нашы верныя сябры”, да Міжнароднага Дня аховы птушак, бібліятэкар філіяла “Масалянская інтэграваная сельская бібліятэка” правяла чарговане пасяджэнне аматарскага аб’яднання “Пралеска”. Удзельнікі даведаліся, што 1 красавіка – Дзень птушак і што птушка 2019 года ў Беларусі названа- вялікі падорлік.

30.03.2019г. Экалагічная акцыя "Час Зямлі

Бібліятэкар філіяла "Масалянская інтэграваная сельская бібліятэка" правяла для жыхароў аг.Массоляны экалагічную акцыю "Час Зямлі". Падчас акцыі бібліятэкар яшчэ раз напомніў, што 30 сакавіка з 20.30 да 21.30 варта адключыць святло і непатрэбныя электрапрыборы і зрабіць першы крок да беражнага стаўлення да прыродных рэсурсаў.

29.03.2019г. Дзень перыядычных ведаў “Хай не пражыць без Інтэрнэту, але любім мы чытаць часопісы і газеты”

У філіяле "Малабераставіцкая інтэграваная сельская бібліятэка" прайшоў дзень перыядычных ведаў “Хай не пражыць без Інтэрнэту, але любім мы чытаць часопісы і газеты”. Наведвальнікі даведаліся, што такое перыядычныя выданні, якімі яны бываюць. Здзейснілі падарожжа па рубрыкам газет і часопісаў: “Рукзачок”, “Вясёлка”, “Мішутка”, “Незнайка”, “Шышкін Лес”, “Тошка і кампанія”, “Кважды ква”, “Лашадкі”, “Юны выратавальнік”, “Дзіцячая газета” і інш.

29.03.2019г. Акцыя "Час Зямлі"

Бібліятэкары філіяла «Алекшыцкая сельская бібліятэка» правялі інфармацыйную акцыю для жыхароў аг.Алекшыцы «Час Зямлі», якая праводзіцца ў апошнюю суботу сакавіка і заклікае ўсіх удзельнікаў з усяго свету ў 20.30 выключыць святло і другія электрапрыборы на адну гадзіну ў знак неабыякавасці да будучыні планеты і прызыву да асцярожнага стаўлення да рэсурсаў Зямлі.

28.03.2019г. Віктарына па казкам “У гасцях народнай казкі”

Да Тыдня дзіцячай і юнацкай кнігі ў філіяле "Малабераставіцкая інтэграваная сельская бібліятэка" прайшла віктарына па казкам “У гасцях народнай казкі”. Наведвальнікі прынялі ўдзел у конкурсах “Назаві казку”, “Філфорд”, “Тэлеграмы”, “Асацыяцыі”, “Выпраў памылку”, “Збяры прыказкі”, “Прадоўжы казку”, “Любімы пісьменнік”; падарожнічалі па казках, гулялі ў інтэлектуальную гульню "Літаратурны калейдаскоп" і ўспаміналі старонкі любімых кніг. У бібліятэцы была наладжана выстава “Адчыняем у казку дзверы”.

27.03.2019г. Турнір знаўцаў прыроды "Вясёлы дзень ў лясным царстве"

Да Тыдня дзіцячай і юнацкай кнігі ў філіяле "Малабераставіцкая інтэграваная сельская бібліятэка" прайшоў турнір знаўцаў прыроды "Вясёлы дзень у лясным царстве". Наведвальнікі прымалі актыўны ўдзел у экалагічных конкурсах і віктарынах "Аб страшных, адважных і не вельмі", "Птушыныя размовы!", "Веру - не веру", "Пазнай жывёлу", "Ядомае-неядомае", "Хто гэта?", "Чырвоная кніга","Лепшы знаўца прыроды". У бібліятэцы была наладжана выстава “Ты - наш сябар, прырода!”.

27.03.2019г. Калейдаскоп рэкамендацый “Вітаміны і здароўе”

У філіяле "Пархімаўская інтэграваная сельская бібліятэка"  адбылося пасяджэнне дзіцячага аматарскага аб’яднання “Нехварэйка”. Сакавік сабраў усіх удзельнікаў на калейдаскоп рэкамендацый “Вітаміны і здароўе”. Спатканне прайшло ў атмасферы радасці і дабразычлівасці. Дзецям было прапанавана знаёмства з карыснымі  прадуктамі, багатымі на вітаміны. Таксама прайшоў конкурс малюнкаў на любімую садавіну ці агародніну, адгадывалі загадкі. Кожны удзельнік атрымаў памятку па здароваму ладу жыцця, у якой дадзены рэкамендацыі аб умовах зберажэння, прыгатавання і ўжывання свежай расліннасці.

27.03.2019г. Кніжная выстава – рэкамендацыя “Літаратурная аптэчка”

У філіяле “Пагранічная сельская бібліятэка” для людзей сталага ўзросту была арганізавана кніжная выстава – рэкамендацыя “Літаратурная аптэчка”. На ёй была прадстаўлена літаратура, якая змяшчае рэцэпты прыгажосці і маладосці, здороўя і даўгалецця. На працягу дня мы праводзілі рэкамендацыйныя гутаркі, наведвальнікі прапаноўвалі адзін аднаму прачытаць тыя, ці іншыя кнігі і часопісы, на якія яны звярнулі ўвагу.

26.03.2019г. Урок інфармацыйнай культуры “Экскурсія па бібліятэцы”

У межах Тыдня дзіцячай і юнацкай кнігі бібліятэкар філіяла “Масалянская інтэграваная сельская бібліятэка” правяла ўрок інфармацыйнай культуры “Экскурсія па бібліятэцы”. Падчас мерапрыемства дзеці пазнаеміліся з кніжнымі выставамі, якія прысвечаны юбілейным датам 2019 года.

26.03.2019г. Віктарына "У краіне Вітамінаў"

У філіяле "Пархімаўская інтэграваная сельская бібліятэка" для дзяцей прышкольнага лагера прайшла віктарына "У краіне Вітамінаў". Тэма сустрэчы была звязана з вітамінамі і іх роляй у здароўі чалавека. 

26.03.2019г. Гучныя чытанні “Паэзія – цудоўная краіна”

Да Тыдня дзіцячай і юнацкай кнігі ў філіяле “Малабераставіцкая інтэграваная сельская бібліятэка” прайшлі гучныя чытанні “Паэзія – цудоўная краіна”, прысвечаныя Сусветнаму дню паэзіі. Наведвальнікі чыталі вершы Агніі Барто, Сяргея Міхалкова, Самуіла Маршака, Карнея Чукоўскага, Пятра Яршова, Аляксандра Пушкіна, Міхася Пазнякова, Людмілы Кебіч. Прымалі ўдзел у літаратурных гульнях. Была арганізавана кніжная  выстава “Мелодыя слова”.

26.03.2019г. Гістарычны альманах “Гродзенская вобласць: гісторыя і сучаснасць”

Супрацоўнікі Бераставіцкай раённай бібліятэкі імя В.М. Кавалеўскага падрыхтавалі і правялі для навучэнцаў Бераставіцкага сельскагаспадарчага ліцэя гістарычны альманах “Гродзенская вобласць: гісторыя і сучаснасць”, прысвечаны 75-годдзю з часу ўтварэння Гродзенскай вобласці. Бібліятэкар пазнаёміла дзяцей са старонкамі гісторыі Гродзенскага краю, з асноўнымі выдатнымі мясцінамі Гродзенскай вобласці, помнікамі архітэктуры, культуры, мастацтва і прыроды.

22.03.2019г. Пазнавальная гульня-прэзентацыя “Вада – наша багацце”

У філіяле “Малабераставіцкая інтэграваная сельская бібліятэка” адбылася пазнавальная гульня-прэзентацыя “Вада – наша багацце”, прысвечаная Сусветнаму Дню вады. Наведвальнікі адказвалі на пытанні двух тураў: 1тур "Планета вада", "Загадкі пра ваду", "Вада ў музыцы і літаратуры", "Вада і яе ўласцівасці", "Жыццё ў вадзе"; 2тур "Эліксір жыцця" ,"Растворы", "Легенды і рэчаіснасць", "Краязнаўства", "Экалагічны маніторынг".

22.03.2019г. Бібліяграфічны агляд літаратуры "Жалобны звон Хатыні»

У філіяле «Алекшыцкая сельская бібліятэка» прайшоў бібліяграфічны агляд літаратуры  "Жалобны звон Хатыні». З літаратуры экспанаванай на выставе можна даведацца пра лёс «вогненных вёсак». Падлеткі даведаліся пра гісторыю ўзнікнення вёскі Хатынь і той жудаснай трагедыі, якая напаткала жыхароў вёскі.

22.03.2019г. Экалагічная гутарка “Кошт безадказнасці”

У філіяле “Канюхоўская інтэграваная сельская бібліятэка”, да Сусветнага Дня Зямлі, прайшла экалагічная гутарка “Кошт безадказнасці”. Падчас мерапрыемства дзеці даведаліся, што значыць слова «экалогія», якія экалагічныя праблемы існуюць у свеце і чым, яны, першакласнікі ўжо сёння могуць дапамагчы нашай планеце. У канцы гутаркі бібліятэкар прачытала юным чытачам некалькі вершаў аб праблемах у экалагічнай абстаноўцы нашай Зямлі і ўручыла памяткі аб правядзенні акцыі «Гадзіна Зямлі».

21.03.2019г. Гадзіна цікавага чытання “Свет роднай прыроды ў казках Максіма Танка”

У межах акцыі “Чытаем разам”, бібліятэкар філіяла “Масалянская інтэграваная сельская бібліятэка”, правяла для дзетак Масалянскага яслі-сада гадзіну цікавага чытання “Свет роднай прыроды ў казках Максіма Танка”. Паэтычныя радкі Максіма Танка, не проста распавядаюць пра дзівосы, але і вучаць чытача слухаць прыроду, захапляцца яе прыгажосцю. 

20.03.2019г. Эко-выставка «Сохраним планету для потомков»

В филиале «Олекшицкая сельская библиотека» оформлена эко-выставка «Сохраним планету для потомков», посвящённая Всемирному Дню Земли. Цель - привлечь внимание всех людей к сохранению планеты.Стоит задуматься о проблемах хрупкой и уязвимой окружающей среды, проблемах взаимоотношений человека и окружающего мира.

19.03.2019г. Літаратурнае падарожжа «Загадкавая азбука»

Бібліятэкар філіяла «Канюхоўская інтэграваная сельская бібліятэка» правяла для сваіх юных чытачоў літаратурнае падарожжа «Загадкавая азбука», прысвечанае 60-годдзю з дня нараджэння Уладзіміра Мазго. Падчас мерапрыемства школьнікі пазнаёміліся з біяграфіяй пісьменніка і здзейснілі падарожжа па старонках кніг пісьменніка, чытаючы ўслых урыўкі з любімых твораў.

19.03.2019г. Урок інфармацыйнай культуры “Даведачна-бібліяграфічны апарат бібліятэкі”

У філіяле “Малабераставіцкая інтэграваная сельская бібліятэка” прайшоў урок інфармацыйнай культуры “Даведачна-бібліяграфічны апарат бібліятэкі”. Бібліятэкар пазнаёміла наведвальнікаў з даведачна-бібліяграфічным апаратам бібліятэкі, алфавітна-прадметнымі паказальнікамі, бібліяграфічнымі паказальнікамі. Растлумачыла прынцып работы з алфавітным каталогам, картатэкамі і даведачнымі выданнямі.

Тыдзень праваслаўнай кнігі

З 11 па 16 сакавіка ў філіяле “Пагранічная сельская бібліятэка” праходзіў Тыдзень праваслаўнай кнігі. На працягу тыдня дзейнічала выстава–прагляд навінак Беларускага экзархата “Святло і сіла духоўнага слова”. Таксама прайшла бяседа – дыялог "Духоўная кніга – крыніца вялікай мудрасці" з настаяцелем храма протаіерэем Сяргеем Шэлестам. Падчас мерапрыемства айцец Сергій расказаў  пра жыццё і служэнне Іосіфа Сямашка, мітрапаліта Літоўскага і Віленскага (1798-1868). А для дзяцей прайшлі праваслаўныя чытанні "Дзецям аб дабрыні, сціпласці і нятолькі".

15.03.2019г. Акцыя сярод сталых людзей “Віншаванне ў кожны дом”

Бібліятэкары філіяла “Алекшыцкая сельская бібіліятэка” сумесна з філіялам па культурна- дасугавай дзейнасці аграгарадка Макараўцы правялі акцыю сярод сталых людзей “Віншаванне ў кожны дом”, прысвечаную 25-годдзю Канстытуцыі Рэспублікі Беларусь. Разам з вучнямі ДУА "Макараўскі вучэбна-педагагічны комплекс яслі-сад - сярэдняя школа" наведалі веску Сямёнаўка, дзе пражываюць адны пенсіянеры. Яны зайшлі да кожнага ў дом, павіншавалі са святам, пагутарылі з кожным з іх, дзеці рассказалі аб гісторыі ўзнікнення Дня Канстытуцыі ў Рэспубліцы Беларусь. На памяць аб сустрэчы ўручылі флажкі, зробленыя сваімі рукамі.

15.03.2019г. Урок права "Канстытуцыя Рэспублікі Беларусь – наш арыенцір"

Да 25-годдзя з часу прыняцця Канстытуцыі Рэспублікі Беларусь, у філіяле “Малабераставіцкая інтэграваная сельская бібліятэка”, прайшоў урок права "Канстытуцыя Рэспублікі Беларусь – наш арыенцір". На мерапрыемстве дзеці даведаліся пра тое, што Канстытуцыя - гэта асноўны закон дзяржавы, у ім напісаны правілы, па якіх жывуць усе жыхары Беларусі. Урок быў праведзены ў форме гутаркі-дыялога аб нашай Радзіме - з дэманстрацыяй прэзентацыі аб Канстытуцыі, аб законах і аб правах грамадзян.

15.03.2019г. Прававы навігатар "Закон адзін для кожнага"

Для старшакласнікаў бібліятэкар філіяла "Канюхоўская інтэграваная сельская бібліятэка" правяла прававы навігатар "Закон адзін для кожнага". Падчас мерапрыемства школьнікам была паказана мультымедыйная прэзентацыя аб гісторыі Асноўнага Закона суверэннай беларускай дзяржавы і яго структуры. Напрыканцы мерапрыемства бібліятэкар уручыла кожнаму ўдзельніку памятку з правамі і абавязкамі падлеткаў.

15.03.2019г. Прававы гід "Няхай будзе нам краіна надзейным домам!»

У філіяле "Старадварэцкая сельская бібліятэка", да 25-годдзя Канстытуцыі Рэспублікі Беларусь, праведзены прававы гід "Няхай будзе нам краіна надзейным домам!». Дзеці пазнаёміліся з гісторыяй узнікнення і развіцця канстытуцыйнага права ў нашай рэспубліцы, пазнаёміліся са структурай канстытуцыі, яе асноўнымі часткамі.

15.03.2019г. Інфармацыйнае дасье “Асноўны закон Беларусі”

Бібліятэкар філіяла “Масалянская інтэграваная сельская бібліятэка”, да 25-годдзя Канстытуцыі Рэспублікі Беларусь, правяла для дзяцей мясцовай школы інфармацыйнае дасье “Асноўны закон Беларусі”. Бібліятэкар расказала дзецям, што неабходна фарміраваць канстытуцыйную культуру грамадства, каб кожны грамадзянін з павагай адносіўся да Асноўнага Закона сваёй краіны.Удзельнікі паўдзельнічалі ў віктарыне. Усе ўдзельнікі мерапрыемства зышліся на думцы, што паважаць і выконваць Канстытуцыю - значыць, паважаць не толькі сваю дзяржаву, але і самога сябе.

14.03.2019г. Інтэлектуальная гульня "Краіны маёй законы»

Бібліятэкары філіяла «Алекшыцкая сельская бібліятэка» запрасілі сваіх чытачоў на мерапрыемства, прымеркаванае да 25-годдзя Канстытуцыі Рэспублікі Беларусь. Для вучняў малодшых класаў прайшла інтэлектуальная гульня "Краіны маёй законы».

14.03.2019г. Інфармацыйная гадзіна “Канстытуцыя – гарант беларускай дзяржаўнасці”

У філіяле "Пархімаўскай інтэграваная сельская бібліятэка" прайшла інфармацыйная гадзіна “Канстытуцыя – гарант беларускай дзяржаўнасці”. На мерапрыемстве прысутнічалі вучні 5 – 9 класаў. Падлеткі пазнаёміліся з галоўным Законам Беларусі, дазналіся аб правах і абавязках грамадзян, разважалі аб прававой дзяржаве.

14.03.2019г. Інфармацыйна-пазнавальная гадзіна да Дня Канстытуцыі Рэспублікі Беларусь “Дзяржава, у якой я жыву”

У філіяле “Пагранічная сельская бібліятэка” прайшла інфармацыйна-пазнавальная гадзіна да Дня Канстытуцыі Рэспублікі Беларусь “Дзяржава, у якой я жыву”. У ходзе мерапрыемства бібліятэкар распавяла аб значэнні Канстытуцыі для дзяржавы  і для кожнага грамадзяніна нашай рэспублікі. 

14.03.2019г. Гадзіна духоўнай культуры «Сіла духоўнага слова»

У філіяле «Алекшыцкая сельская бібліятэка» для людзей старэйшага пакалення прайшла гадзіна духоўнай культуры «Сіла духоўнага слова», прымеркаваная да Дня праваслаўнай кнігі. Асноўная мэта - пазнаёміць чытачоў з разнастайнай праваслаўнай літаратурай у нашай бібліятэцы. Бібліятэкар расказала пра гісторыю ўзнікнення свята, пазнаёміла гасцей з літаратурай духоўна-маральнай тэматыкі, кнігамі святых, прадстаўленых на выставе «Духоўных кніг - чароўная мудрасць». 

14.03.2019г. Час прававой інфармацыі “Канстытуцыі Рэспублікі Беларусь – 25 гадоў”

Для навучэнцаў Бераставіцкага сельскагаспадарчага ліцэя супрацоўнікі раённай бібліятэкі імя В.М. Кавалеўскага правялі час прававой інфармацыі “Канстытуцыі Рэспублікі Беларусь – 25 гадоў”, прысвечаны Дню Канстытуцыі Рэспублікі Беларусь і 25-годдзю прыняцця Асноўнага Закона РБ. 

14.03.2019г. Гутарка "25 гадоў Канстытуцыі Рэспублікі Беларусь"

У філіяле "Канюхоўская інтэграваная сельская бібліятэка" адбылася гутарка "25 гадоў Канстытуцыі Рэспублікі Беларусь". Бібліятэкар распавяла сваім чытачам, што Канстытуцыя некалькі разоў удасканальвалася, а вышэйшая каштоўнасць Асноўнага Закона - чалавек, яго правы і гарантыі іх рэалізацыі.

13.03.2019г. Прэзентацыя вопыту культурна-масавай работы з грамадзянамі пажылога ўзросту

На базе Бераставіцкай раённай бібліятэкі імя В.М. Кавалеўскага адбылася прэзентацыя вопыту культурна-масавай работы з грамадзянамі пажылога ўзросту, якую арганізавалі сумесна савет ветэранаў раёна і супрацоўнікі бібліятэкі. На мерапрыемства запрасілі старшыню камісіі па культурна-масавай рабоце і сувязям СМІ Гродзенскай вобласці арганізацыі Беларускага грамадскага аб’яднання ветэранаў Марыю Станіславіч.

12.03.2019г. Кіналекторый "Жыць - з кнігаю сябраваць"

Бібліятэкар філіяла "Канюхоўская інтэграваная сельская бібліятэка" правяла чарговую сустрэчу аматарскага аб'яднання "Чамучкі". Падчас кіналекторыя "Жыць - з кнігаю сябраваць" дзеці прагледзелі мультымедыйную прэзентацыю "Чароўны свет бібліятэкі". Даведаліся  як нараджаецца кніга. У канцы мерапрыемства маленькім удзельнікам быў паказаны мультфільм "Грышкіны кніжкі".

9.03.2019г. Агеньчык «Са Святам 8 Сакавіка»

У філіяле "Масалянская інтэграваная сельская бібліятэка" прайшло мерапрыемства, прысвечанае Міжнароднаму жаночаму дню - 8 сакавіка, «Са Святам 8 Сакавіка» для удзельнікаў клуба "Ладачкі". Для ўдзельнікаў мерапрыемства былі арганізаваны конкурсы і віктарыны. Да мерапрыемства аформлена кніжная выстаўка "Жанчына - крыніца прыгажосці».

9.03.2019г. Сустрэча “60 + альбо элегантны ўзрост”

У філіяле “Канюхоўская інтэграваная сельская бібліятэка” адбылася чарговая сустрэча ўдзельнікаў аматарскага аб'яднання "Агеньчык" “60 + альбо элегантны ўзрост” . Падчас мерапрыемства ўдзельнікі аб'яднання весела правялі час, удзельнічалі ў гумарыстычных конкурсах, гульнях, спявалі песні.

7.03.2019г. Святочная вечарына “У гэты дзень, увесну сагрэты, усе кветкі і ўсмешкі – Вам”

Для ўдзельнікаў аматарскага аб’яднання “Пагаворым па шчырасці”, у філіяле “Малабераставіцкая інтэграваная сельская бібліятэка”, прайшла святочная вечарына “У гэты дзень, увесну сагрэты, усе кветкі і ўсмешкі – Вам”, прысвечаная Міжнароднаму жаночаму дню.Падчас мерапрыемства гучалі вершы падрыхтаваныя ўнукамі ўдзельніц аматарскага аб’яднання, прайшла конкурсная праграма “Жаночая інтуіцыя", гульні “Матальшчыцы” і “Умелыя ручкі”, конкурс малюнкаў “Жаночы букет”. Была наладжана выстава вырабаў прыкладнога мастацтва “Рукамі нашых унукаў”, на якой знаходзіліся вырабы якія падарылі ўнукі сваім матулям і бабулям на 8 Сакавіка. Сустрэча падарыла ўсім прысутным шмат прыемных і станоўчых эмоцый, а святочная вечарына пакінула на памяць аб сабе добры, сонечны, святочны настрой!

7.03.2019г. Тэматычны вечар «Няхай у душы цвіце вясна»

Напярэдадні Міжнароднага жаночага дня, у філіяле «Алекшыцкая сельская бібліятэка», для ўдзельніц аматарскага аб'яднання «Сустрэча», прайшоў тэматычны вечар «Няхай у душы цвіце вясна». Падчас мерапрыемства гучалі песні і вершы, жанчыны ўдзельнічалі ў конкурсах і віктарынах, бібліятэкар Хлебнікава Зоя Якаўлена паказала гумарыстычную мініяцюру «Тады і цяпер». Прысутныя пазнаёміліся з выставай творчых работ нашых чытачак «Нашы мамы рукадзельніцы».Мерапрыемства скончылася пажаданнем усім жанчынам шчасця, здароўя, радасці, кахання. Кожная ўдзельніца атрымала віншавальную паштоўку.

7.03.2019г. Акцыя "Ад усёй душы"

Напярэдадні 8 сакавіка, ў межах абласнога праекта "Залатая восень жыцця" і раённага праекта "Сагрэць сваім клопатам", у аг.Канюхі прайшла акцыя "Ад усёй душы". Бібліятэкар філіяла "Канюхоўская інтэграваная сельская бібліятэка" разам з членамі валанцёрскага атрада "Рука дапамогі" ДУА "Канюхоўскі яслі-сада-сярэдняя школа" павіншавалі жанчын з надыходзячым святам.

7.03.2019г.Літаратурна-музычнае віншаванне “Усім жанчынам прысвячаецца”

Бібліятэкар філіяла "Пархімаўская інтэграваная сельская бібліятэка" сумесна з філіялам па культурна-дасугавай дзейнасці аг. Пархімаўцы арганізавала літаратурна-музычнае віншаванне  “Усім жанчынам прысвячаецца”. Падчас мерапрыемства  павіншавалі мілых жанчын з надыходзячым Днём 8 Сакавіка, падарылі ім у гэты дзень добры настрой і самыя цёплыя словы. Былі праведзены конкурсы і гульні. Напрыканцы мерапрыемства адбыўся агляд літаратуры ў кніжнай выставы «Усім жанчынам прысвячаецца».

7.03.2019г. Ранішнік «Маці, матуля - чароўнае слова"

У філіяле "Пагранічная сельская бібліятэка», да Міжнароднага жаночага дня,  прайшоў ранішнік «Маці, матуля - чароўнае слова".  Бібліятэкар распавяла дзецям пра тое, як узнікла гэта цудоўнае свята вясны - 8 Сакавіка. У канцы мерапрыемства быў праведзены бібліяграфічны агляд літаратуры "Маці, імя тваё я нясу праз жыццё".

6.03.2019г. Тэматычны ўрок "Акно ў прыроду"

У межах мэтавай бібліятэчнай праграмы па экалагічным выхаванні для дзяцей і падлеткаў “Родную зямлю беражом і спазнаём”, для ўдзельнікаў літаратурнага кружка “Знайка” у філіяле “Малабераставіцкая інтэграваная сельская бібліятэка” прайшоў тэматычны ўрок прымеркаваны да Сусветнага дня дзікай прыроды. Дзеці даведаліся пра ўзнікненне гэтага свята, прымалі актыўны ўдзел у гульнях: “Гукі дзікай прыроды”, “Экалагічныя сімвалы”, “Аб’екты дзікай прыроды”. Разгадвалі загадкі на экалагічную тэматыку. Напрыканцы адбыўся прагляд пазнавальнага мультфільма “У свеце дзікай прыроды”, які называецца “Клювы птушак”.

6.03.2019г. Конкурс чытальнікаў "Букет для матулі"

Бібліятэкар філіяла "Канюхоўская інтэграваная сельская бібліятэка" правяла з першакласнікамі конкурс чытальнікаў "Букет для матулі", прысвечаны Міжнароднаму жаночаму Дню. Падчас мерапрыемства хлопчыкі і дзяўчынкі склалі прыгожы букет для сваіх матуль з вершаў, у якіх распавядалі аб сваёй самай выдатнай, каханай і адзінай.

6.03.2019г. Акцыя-віншаванне на даму “Дарагое сэрцу слова – МАМА”

Напярэдадні Міжнароднага жаночага дня бібліятэкар філіяла "Пархімаўская інтэграваная сельская бібліятэка" арганізавала акцыю-віншаванне на даму “Дарагое сэрцу слова – МАМА”. Сумесна з маленькімі чытачамі бібліятэкі яны наведалі жанчын сталага ўзросту і павіншавалі з надыходзячым святам.

2.03.2019г. Інтэрнэт- урок “Не пераступіць мяжу!”

Бібліятэкар філіяла «Масалянская інтэграваная сельская бібліятэка” да Дня барацьбы з наркаманіяй і наркабізнесам правяла для дзяцей інтэрнэт- урок “Не пераступіць мяжу!”. Дзеці даведаліся, што наркаманія - адна з галоўных праблем усяго свету. Наркотыкі наносяць вялікую шкоду здароўю насельніцтва, ставяць пад пагрозу мірнае існаванне грамадства.

1.03.2019г. Судовае паседжанне "Наркаманія. Смерць пры жыцці"

У філіяле "Канюхоўская інтэграваная сельская бібліятэка" да Дня барацьбы з наркаманіяй і наркабізнесам прайшло судовае паседжанне "Наркаманія. Смерць пры жыцці". Падчас мерапрыемства дзеці змаглі пабываць у ролі суддзі, пракурора, адваката, прысяжных засядацеляў. У канцы суда быў вынесены аднагалосны вердыкт абвінавачаным «Моладзь выбірае жыццё без наркотыкаў».

1.03.2019г. Дзень інфармацыі “НЕ – наркотыкам!”

Да Дня барацьбы з наркаманіяй і наркабізнесам, які адзначаецца 1 сакавіка, у Бераставіцкай раённай бібліятэцы імя В.М. Кавалеўскага адбыўся Дзень інфармацыі “НЕ – наркотыкам!”. У рамках Дня інфармацыі бібліятэкары правялі прафілактычны альманах “Асцярожна! Наркамания!” для вучняў 10-га класа. Бібліятэкар расказала дзецям пра наркатычныя рэчывы, іх уплыў на арганізм чалавека, прыкметы наркаманіі і наступствы, а таксама пазнаёміла з матэрыяламі, прадстаўленымі на кніжна-інфармацыйнай кампазіцыі “СТОП! Наркотыкі!”. Для навучэнцаў сельскагаспадарчага ліцэя работнікі бібліятэкі арганізавалі сустрэчу з работнікам РАУС “Міфы і праўда пра наркотыкі!, падчас якой дзеці атрымалі інфармацыю аб крымінальнай адказнасці за збыт і спажыванне наркатычных рэчываў.

1.03.2019г. Тэматычны ўрок “Наркаманія – дарога ў бездну”

Сёння ў філіяле “Малабераставіцкая інтэграваная сельская бібліятэка” прайшоў урок-выстава “Наркаманія – дарога ў бездну”, прымеркаваны да Дня барацьбы з наркаманіяй і наркабізнесам. Асноўная ўвага на ўроку была нададзена прафілактыцы ўжывання псіхаактыўных рэчываў сярод дзяцей і падлеткаў, фарміраванню ў падрастаючага пакалення непрымання наркотыкаў, стварэнне ўстойлівага трэнду, які накіраваны на здаровы лад жыцця. 

1..03.2019г. Бібліяграфічны агляд літаратуры "Падлетак звярні ўвагу"

1 сакавіка адзначаецца Міжнародны дзень барацьбы з наркаманіяй і наркабізнесам, які прызывае нагадаць грамадству аб сур'ёзнай праблеме нашага часу - праблеме наркаманіі. У гэты дзень у філіяле «Алекшыцкая сельская бібліятэка» прайшоў бібліяграфічны агляд тэматычна-інфармацыйнай паліцы для юных удзельнікаў аматарскага аб'яднання «Клёпа». Матэрыялы выставы раскажуць аб небяспечным ўздзеянні наркотыкаў на арганізм чалавека, дапамогуць данесці да юных чытачоў інфармацыю пра тое, як змяняецца чалавек, які ўжывае наркотыкі, як свет паступова выслізгвае ад яго і ён губляе сваю будучыню.Спадзяёмся, што прыведзеныя факты і іх эмацыянальнае ўспрыняцце спыняць  ад неабдуманага кроку.

28.02.2019г. Пасяджэнне аматарскага аб'яднання "Сустрэча"

 У філіяле «Алекшыцкая сельская бібліятэка» прайшло чарговае пасяджэнне аматарскага аб'яднання для пажылых «Сустрэча». Мерапрыемства прайшло не зусім звычайна, акрамя ўдзельнікаў аб'яднання, у госці мы запрасілі людзей пажылога ўзросту, якія пражываюць у аддзяленні кругласутачнага знаходжання для пажылых і адзінокіх аг.Алекшыцы.